نماز تہجد
جماعت صوفیہ کے نزدیک سب سے زیادہ ضروری نماز تہجد ہے۔ تمام علماء ومشائخ اس نمازکی سعادت دارین کاسبب سمجھتے ہیں۔ حدیث شریف میں ہے کہ بندہ رات کے آخری حصہ میں دو رکعت نماز پڑھتا ہے ۔جودنیا اورمافيہاسے بہتر ہے اگر میری امت پر دشواری نہ ہوتی تو میں اس نماز کو واجب قرار دیتا ، اوربعض مشائخ نے نماز تہجد کو واجب کہا ہے، بعض نےفرض قرار دیا ہے ۔ اور بعض نے مستحب کہا ہے، لیکن حقیقۃً نہ فرض ہے نہ واجب البتہ اس نماز میں خصوصیت ہے کہ خواب سے بیدار ہو کر پڑھی جاتی ہے ۔ اورمحبت خدا کی کنجی ہے۔ فرائض میں نقصا ن ہوجائےتو پورا کرتی ہے۔
حضرت غوث العالم فرماتے تھے کہ مجھ کو جو کچھ سعادت حاصل ہوئی وہ سحر خیزی کی برکت سے ہوئی ہے۔ اورمجھ کوحضرت خضرعلیہ السّلام نے یہ نسخہ بتلایا تھا۔ طالب صادق کو چاہئے کہ روزانہ نیک اعمال کرے تاکہ اس کوسحر خیزی کی توفیق ہو، اور اس کے لیے دوپہر کا قیلولہ بہت مفید ہے، جب یہ نماز نصیب ہوتو بارہ رکعت چھ سلام سے پڑھے۔ پہلی رکعت میں فاتحہ کے بعد آیۃ الکرسی خالدون تک ، اور دوسری رکعت میں اٰمَنَ الرَّسُوْلّ آخر سورۃ تک، اس کے بعد صبح تک تلاوت یا ذکر یامرا قبہ میں مشغول رہے؛ لیکن مبتدی کے لیے ذکر جہر بہتر ہے۔ دن کے ابتدائی حصہ میں اورعصر اور مغرب کے درمیان سونا مکروہ ہے، مگر دوپہر کا سونا مستحب ہے۔
ساری نمازوں میں ان سورتوں اورآیتوں کے علاوہ جولکھی ہیں جو چاہے پڑھ سکتا ہے مگر ان سورتوں کے پڑھنے میں بزرگوں کے معمول کا اتباع اورموافقت ہے۔
مریدین اور طالبانِ راہِ سلوک کی تعلیم صفائی قلب سے شروع ہوتی ہے اور اس کےلیے تلقین اذ کا رضروری ہے۔ اس لیے کہ بغیرذ کر کے صفائی قلب نہیں حاصل ہو سکتی۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972